Latest News

All News

  • झापाको बिर्तामोड नगरपालिकाले आर्थीक बर्ष २०७५÷०७६ को बजेटमा कृषि, शिक्षा र सहकारी क्षेत्रको प्रबर्धन र बिकासमा केन्द्रित नीति तथा कार्यक्रमलाई बिशेष प्राथमिकता दिँदै ८० करोड १७ लाखको प्रस्ताबित सार्बजनिक ।

    झापाको बिर्तामोड नगरपालिकाले आर्थीक बर्ष २०७५÷०७६ को बजेटमा कृषि, शिक्षा र सहकारी क्षेत्रको प्रबर्धन र बिकासमा केन्द्रित नीति तथा कार्यक्रमलाई बिशेष प्राथमिकता दिँदै ८० करोड १७ लाखको प्रस्ताबित सार्बजनिक गरेको छ । दोस्रो नगर सभामा बजेट, नीति तथा कार्यक्रम प्रस्तुत गर्दे नगर प्रमुख ध्रुबकुमार शिबाकोटीले मूलत शिक्षा, सहकारी र कृषिमा केन्द्रित बिकासका योजना र स्वास्थ्य, पर्यटनजस्ता क्षेत्रमा लगानी बढाइएको जानकारी दिनु भयो ।बिर्तामोड नगरपालिकाका प्रबक्ता तथा बडा नं १ का अध्यक्ष अग्निप्रसाद पाण्डेका अनुसार गत बर्षको तुलनामा शिक्षामा ६४ प्रतिशत बजेट बृद्धि गरी २ करोड ३४ लाख २० हजार पुर्याइएको छ भने कृषि क्षेत्रमा नगरप्रमुख बिषादिमुक्त कार्यक्रम र सहकारी क्षेत्रको बिकासका लागि स्मार्ट कोअपरेटिभ मार्केट निर्माणदेखि झापा कोप स्टान्डर्ड लागू गर्नेसम्मका कार्यक्रम समेटिएका छन् ।यसैगरी झापाको शिव सत्ताक्षि नगरपालिकालेले पनि आजै आफ्नो नीति कार्यक्रम तथा बजेट आज सार्वजनिक गरेको छ । नगरपालिकाले कृषि तथा पशु,उद्योग तथा वाणिज्य,पर्यटन,सहकारी तथा अन्य वित्तिय क्षेत्र,भौतिक पुर्वाधार,खानेपानी तथा सरसफाई,युवा तथा खेलकुद,वातावरण तथा विपद व्यवस्थापन लगायत विभिन्न सामाजिक क्षेत्रसंग सम्वन्धित नीति तथा कार्यक्रम तर्जुमा गर्दै कुल ७८ करोड ७४ लाख ८७ हजारको बजेट विनियोजन गरेको हो ।

    Posted on: 9 hours ago

  • साना आठ विद्यार्थी संगठनले शैक्षिक सुधारका माग राखी आन्दोलनको घोषणा गरेका छन् ।

    साना आठ विद्यार्थी संगठनले शैक्षिक सुधारका माग राखी आन्दोलनको घोषणा गरेका छन् । अनेरास्ववियु (क्रान्तिकारी), नयाँ शक्ति विद्यार्थी युनियन, समाजवादी विद्यार्थी फोरम, राष्ट्रिय जनता पार्टी विद्यार्थी युनियन, अनेस्ववियु (पाँचांै)लगायत विद्यार्थी संगठनले आईतबार काठमाडौंमा पत्रकार सम्मेलन गरी आन्दोलन गर्ने घोषणा गरेका हुन् । उनीहरुले शिक्षा क्षेत्रमा देखिएका विकृति अन्त्यको माग गदै प्रधानमन्त्री केपी शर्मा ओलीलाई ज्ञापन पत्र बुझाउनेदेखि लिएर शैक्षिक आम हडतालसम्मका आन्दोलनका कार्यक्रम घोषणा गरेका छन् । उनीहरुले नवौं शिक्षा ऐन खारेज गर्नुपर्ने, शिक्षा मन्त्रालयले गठन गरेको शुल्क अनुगमन समितिमा आफूहरुलाई पनि राख्नुपर्ने, विश्वविद्यालयमा खुला प्रतिस्पर्धाबाट मात्र पदाधिकारी नियुक्त गर्नुपर्ने, चिकित्साशास्त्रसम्बन्धी जाँचबुझ आयोगको प्रतिवेदन कार्यान्वयन गर्नुपर्ने लगायतका माग अघि सारेका छन् ।

    Posted on: 9 hours ago

  • जग्गा पास गर्नका लागी मालपोत कार्यालय दमकका कर्मचारीले कर भन्दा धेरै रकम माग गर्ने गरेको भन्दै सेवाग्राहीहरुको गुनासो।

    जग्गा पास गर्नका लागी मालपोत कार्यालय दमकका कर्मचारीले कर भन्दा धेरै रकम माग गर्ने गरेको भन्दै सेवाग्राहीहरुले गुनासो गरेका छन् । लामो समय देखि भोगचलन गर्दै आएको जग्गा पास गर्न खोज्दा पनि राजश्व लाग्ने भन्दा धेरै रकम माग गरेको भन्दै सेवाग्राहीले मालपोत कार्यालय दमकका प्रमुख देवीबहादुर भण्डारीसमक्ष गुनासो पोखेपछी घटना बाहीर आएको हो । २ बर्ष अघि देखि सवै प्रकृया पुरा गर्दा समेत जग्गा पास गर्दा लाग्ने रकम भन्दा धेरै रकम माग गरिएकाले जग्गा पास गर्न नसकेको मोरङ्ग वेलबारी नगरपालिका वडा नम्बर ३ भाउनेका बुद्धिमान तामाङले बताउनु भयो ।मालपोतका कर्मचारीले ५ हजार कर लाग्ने ठाऊँमा १ लाख ४० हजार रकम माग गरेको तामाङको आरोप छ । कार्यालय प्रमुख भण्डारीले भने आफूलाई यो विषयमा कुनै पनि जानकारी नभएको बताउनु भएको छ ।

    Posted on: 9 hours ago

  • वर्षायाम लागेसंगै ताप्लेजुङका ग्रामिण क्षेत्रको यातायातमा कठिनाई शूरु भएको छ

    वर्षायाम लागेसंगै ताप्लेजुङका ग्रामिण क्षेत्रको यातायातमा कठिनाई शूरु भएको छ । ग्रामिण क्षेत्रका कच्ची र साँघुरो सडकमा पानी जम्ने,पहिरो झर्ने लगायतका कारणले यातायातमा कठिनाई हुन थालेको हो ।अरुबेला १ घण्टामा पुगीने ठाउँमा वर्खा लागेपछि कम्तीमा पनि पाँच घण्टा लाग्न थालेको छ ।पाथीभरा–याङ्वरक गाउँपालिका लगायत सदरमुकामबाट जिल्लाका सबै गाउँपालिका जाने सडकको हालत उस्तै बनेको छ । गत आर्थिक वर्षमा २ सय ७५ किलोमिटर कच्ची सडक निर्माण भएको ताप्लेजुङ्गमा १ सय ५५ किलोमीटरमा मात्रै यातायात सुचारु भएको छ । ताप्लेजुङमा कालोपत्रे सडक ३१ किलोमिटर रहेको जनाईएको छ ।

    Posted on: 9 hours ago

  • झापा र इलाममा होमस्टेको तयारी गरिएको छ ।

    झापा र इलाममा होमस्टेको तयारी गरिएको छ । झापाको मेचीनगर नगरपालिका बुद्ध—शान्ति गाउँपालिका तथा इलामको रोङ गाउँपालिकाका केही वडाहरुलाई समेटेर ग्रीन भिलेज होमस्टे सञ्चालक समिति बहुवन निर्माण गरेर उक्त गाउँमा होमस्टे तयारी गरिएको हो । रोङ गाउँपालिका — ५ स्थित बहुवन माध्यमिक विद्यालय परिसरमा महानन्द स्मृति प्रतिष्ठानले आयोजना गरेको ‘एकीकृत पर्यटनको विकास, सभ्य समृद्ध समाज निर्माणको निकास’ विषयक अन्तरक्रियामा सहभागी झापा र इलामका जनप्रतिनिधि,व्यवसायी, विभिन्न संघ संस्थाका प्रमुख प्रतिनिधिहरुको भेलाले होमस्टे सञ्चालनका लागि इलाम र झापाका नौवटा घर तयारी गरेको हो । होमस्टेका लागि इलाम रोङ गाउँपालिका— ५ स्थित प्रकाश पौडेल, तोकेन्द्र गुरुङ, तथा झापा मेचीनगर— ३ का धनबहादुर थापा, चन्द्रबहादुर गुरुङ, रमेश गुरुङ, भिमप्रसाद नेपाल, मिलन गुरागाईँ , असीम खतिवडा तथा रत्न मगरको घर तयार गरिएको छ ।

    Posted on: 9 hours ago

  • एक नम्बर प्रदेश सभाले सरकारद्वारा प्रस्तुत विनियोजन विधेयक २०७५ पारित गरेको छ ।

    एक नम्बर प्रदेश सभाले सरकारद्वारा प्रस्तुत विनियोजन विधेयक २०७५ पारित गरेको छ । आज बसेको प्रदेशसभा बैठकमा आर्थिक मामिला तथा योजना मन्त्री ईन्द्रबहादु्र आङ्वोले विधेयक पारीत गरियोस भनी पेस गर्नु भएको प्रस्ताव बहुमतले पारीत गरेको हो । त्यसअघि विधेयकमाथि नेपाली कांग्रेसका सांसद शिवनारायण गनगाईले राख्नु भएको खर्च कटौतिको प्रस्ताव प्रदेश सभाको बहुमतले अस्वस्कृत गरेको थियो । सांसद गनगाईले विधेयकमा रहेको भैपरी चालु तर्फको ४३ करोड ३७ लाख ३ हजार २ सय ७,विविध भैपरी शिर्षकको ८० करोड र भैपरी पुँजिगतमा रहेको ४८ करोड ८८ लाख ८० हजार लाई कटौति गर्न प्रस्ताव पेस गर्नु भएको थियो । उहाँले ति सबै शिर्षकमा पाँच सय रुपैयाँमात्र राख्न गर्नु भएको प्रस्ताव प्रदेश सभाले अस्वीकृत गरेको हो । खर्च कटौतिको प्रस्ताव माथि जवाफ दिदै आर्थिक मामिला तथा योजना मन्त्री आङ्वोले मुख्यमन्त्री ग्रामिण सडक कार्यक्रम र सार्वजनिक निजि साझेदारी कार्यक्रमका लागि सो बजेट मन्त्रालय मातहत राखिएको जानकारी दिनुभयो ।

    Posted on: 9 hours ago

  • झापाको विर्तामोड नगरपालीकाले नगरस्तरीय योजनाको ८० प्रतीशत काम पुरा भएको जनाएको छ ।

    झापाको विर्तामोड नगरपालीकाले नगरस्तरीय योजनाको ८० प्रतीशत काम पुरा भएको जनाएको छ । १० करोड २६ लाख रुपैयाँ बराबरका समझौता भएका नगरस्तरीय योजनाको औसत ८० प्रतिशत काम पुरा भएको र बाँकी रहेको २० प्रतिशत असार मसान्त सम्ममा सकिने नगरपालीकाका ईन्जिनियर डिल्लीराम गौतमले जानकारी दिनुभयो । ठुला योजना मध्ये पुरानो भद्रपुर रोडमा ड्रेन निमार्णका लागी १ करोड विनियोजन भएकोमा ७० पतिशत काम सम्पन्न भएको र तत्कालीन गरामनी गाविसमा ५० देखि ६० लाख रकम विनियोजन भएका ५वटा पुल तथा कल्र्भटहरुको निर्माण कार्य धमाधम भईरहेको नगरपालीकाले जनाएको छ ।नगरपालिकाले उपकरण खरिदमा समेत साढे तिन करोड रुपैया खर्च गरेको छ । खरिद गरीएका भारी उपकरणबाट १ करोड ४५ लाख रुपैयाँ बराबरको ३० किलोमिटर सडक स्तोरउन्नती भएको नगरपालीकाले जनाएको छ ।

    Posted on: 3 days ago

  • झापाको मेचीनगर नगरपालिका पूर्ण खोपयुक्त नगरपालिका घोषणा भएको छ ।

    झापाको मेचीनगर नगरपालिका पूर्ण खोपयुक्त नगरपालिका घोषणा भएको छ । नगरपालिकाको स्वास्थ्य शाखाले विहीबार आयोजना गरेको पूर्ण खोपयुक्त नगरपालिका घोषणा सभामा जिल्ला खोप समन्वय समितिका सदस्य सचिव एवम् जिल्ला जन स्वास्थ्य कार्यालय झापाका वरिष्ठ जन स्वास्थ्य प्रशासक मधुसुदन कोइराला र नगर प्रमुख विमल आचार्यले नगरपालिकालाई पूर्ण खोपयुक्त नगरपालिका घोषणा गर्नु भएको हो । वरिष्ठ जन स्वास्थ्य प्रशासक मधुसुदन कोइरालाले प्रदान गर्नु भएको नगरपालिका पूर्ण खोपयुक्त नगरपालिका भएको प्रमाण पत्र नगर प्रमुख विमल आचार्य र उपप्रमुख मिना उप्रेतीले संयुक्तरुपमा ग्रहण गर्नुभएको थियो । कार्यक्रममा नगरपालिकालाई पूर्ण खोपयुक्त नगरपालिका घोषणा गर्न भूमिका निर्वाह गर्ने विभिन्न संघ संस्थालाई सम्मान तथा प्रशंसा पत्र प्रदान गरिएको थियो ।

    Posted on: 3 days ago

  • मोरङका कोच राजवंशी समुदायले लोथा–पोथा पर्व मनाएका छन ।

    मोरङका कोच राजवंशी समुदायले लोथा–पोथा पर्व मनाएका छन । रंगेली नगरपालिका–२ दौलतपुरमा लोथापोथा पर्व मनाईएको छ । राजवंशी समुदायका महिला–पुरुषले पारम्परीक मान्यता र विधिविधान अनुसार यो पर्व मनाएका छन । यो पर्व मनाउने क्रममा राजवंशी समुदायका श्रद्धालुले स्थानीय भाषामा ‘बिरना झुटी’ भनिने एक प्रकारको घाँसलाई देउताकोरुपमा स्थापना गरेर पुजापाठ गर्ने गर्छन ।बिरना झुटीलाई मध्यभागमा राखेर श्रद्धालुहरु वरिपरि बस्छन र शंखनादगर्दै बिरना झुटीलाई केरा ,आँप,लिचि र तराईमधेशमै पाईने बिशेष प्रकारको डोहा भनिने फल प्रसादकोरुपमा चढाउने गर्छन ।यो पर्व लोक कथनसंग सम्बन्धित रहेकाले पर्वसंग जोडिएको लोक कथावाचन र श्रवण गर्ने गरिन्छ । यो पर्व मनाउदा समृद्धि आउने र शारिरीक सुस्वास्थय लाभ हुने राजवंशी समुदायको जनविश्वास छ ।

    Posted on: 3 days ago

  • अन्तराष्ट्रिय योग दिवस नेपालमा पनि मनाइएको छ ।

    अन्तराष्ट्रिय योग दिवस, योग अभ्यास र त्यसको महत्वका बारेमा चर्चा गर्दै नेपालमा पनि मनाइएको छ । संयुक्त राष्ट्रसंघले सन् २०१५ देखि जुन २१ लाई अन्तराष्ट्रिय योग दिवसका रुपमा मनाउन शुरु गरेको हो । भारतले संयुक्त राष्ट्र संघको ६९ औँ महासभामा जुन २१ अर्थात आजकै दिनलाई विश्वयोग दिवसको रुपमा मनाउने प्रस्ताव गरेको थियो र उक्त प्रस्ताव अत्यधिक बहुमतका साथ १ सय ७५ सदस्य राष्ट्रले अनुमोदन गरेका थिए । त्यसैबेला देखि नै योगलाई अन्तराष्ट्रिय दिवसका रुपमा मनाउन थालिएको हो ।

    Posted on: 3 days ago

Today's Schedule

05:00 AM
Bhajan
Music Video
06:00 AM
National songs
Music Video
07:00 AM
Suryodaya News
Current Affairs
07:30 AM
Folk Modern Song
Music Video
08:00 AM
Jotish Darpan
Entertainment
09:00 AM
Ever Green Songs
Music Video
10:00 AM
Mission
Entertainment
11:00 AM
Filmy Taranga
Entertainment
12:00 PM
Pop Songs
Music Video
01:00 PM
Folk Modern Song
Music Video
02:00 PM
Folk Songs
Music Video
03:00 PM
Folk Songs
Music Video
04:00 PM
Old Filmy Songs
Music Video
04:30 PM
Call Suryodaya
Entertainment
05:30 PM
Old Filmy Songs
Music Video
06:00 PM
Ever Green Songs
Music Video
07:00 PM
Suryodaya News
Entertainment
07:30 PM
Old Filmy Songs
Music Video
08:00 PM
Sidha Kura
Current Affairs
09:00 PM
Remix Songs
Music Video
10:00 PM
Call Suryodaya
Entertainment
11:00 PM
Jotish Darpan
Entertainment
12:00 AM
Folk Songs
Music Video
01:00 AM
Folk Modern Song
Music Video
02:00 AM
Pop Songs
Music Video
03:00 AM
Ever Green Songs
Music Video
04:00 AM
Morden Songs
Music Video